حروف المقطعات

حروف المقطّعا ت

(مصنف : محمد نسیم (mnasim_99@yahoo.com  

قران پاک کی 114 سورتوں میں سے 29 کی ابتدا میں 14 مختلف حروف مقطعات پاۓجاتے ہیں جن میں سے کچھ مکرر بار استعمال ہوۓ ہیں جیسا کہ ذیل کے جدول سے ظاہر ہے ۔ ماضی میں مختلف علماۓ کرام نے حسب توفیق غوروفکر کے بعد فیصلہ کیا کہ بظاہر انکے کوئ معنی نہیں اور نہ ہی انکا کوئ واضح مطلب سمجھ میں آتا ہے ۔ دریں اثناء کچھ لوگوں نے انکی پراسراریت سے فائدہ اٹھا کر انہیں طلسمی نقوش اور تعویزوں میں استعمال کر کے اپنی آمدنی اور عوام کی گمراہی کا ذریعہ بنا لیا ۔

میں نے جب کلام پاک کا بغور مطالعہ شروع کیا تو یہ احساس ہوا کہ جن سورتوں کے شروع میں حروف مقطع ہیں انکی ابتدائ آیات کا مفہوم بھی عمومی طور پر وہی ہے حو سورہ بقرہ کی ابتدائ آیات کا ہے جیسا کہ مندرجہ ذیل سے واضح ہوتا ہے ۔ اس مشاہدے سے گمان ہوتا ہے شائد ابتدائ تدوین میں کلام پاک کی 29 جلدیں تھیں جنکی ابتدا حروف مقطغات والی آیات یا سورتوں سے ہوتی تھی ۔ ظاہر ہے کہ ان جلدوں کی ضخامت میں کافی فرق ہوگا اور شائد عملی تقاضوں کے پیش نظر اللہ تعالے کی مرضی سے ان تمام 29 جلدون کو اسی ترتیب میں ایک جلد میں اکٹھا کر لیا گیا ۔ پھر اس ایک جامع کتاب کو پڑھنے والوں کی آسانی کے لیئے 30 قریب قریب مساوی اجزا یاسیپاروں میں تقسیم کیا گیا ۔ اس ترتیب میں بھی حروف مقطعات کو اپنی جگہ پر رہنے دیا گیا ۔  

 اس انکشاف سے چونکہ قران پاک کے متن یا معنی یا آیات یک اہمیت پر کوئ اثر نہیں پڑتا اس لیئے اس موضوع پر مزید تحقیق یا تجزیہ ضروری نہیں محسوس ہوتا ۔ ہاں البتہ حروف مقطعات کی ضمن میں جو توھمات عام ہیں انکی نفی ہوجاتی ہے ۔ واللہ اعلم با لثواب

قرآن پاک کی ممکنہ ابتدائ تدوین

ابتد ا ئ آ یا ت  (ترجمہ علامہ طاہرالقادری)	مقطعا ت	سورہ	سورہ نمبر	جلد
		فاتحہ	1	1
یہ وہ عظیم کتاب ہے جس میں کسی شک کی گنجائش نہیں، (یہ)پرہیزگاروں کے لئے ہدایت ہے	الم	بقرہ	2	1
(اے حبیب!) اسی نے (یہ) کتاب آپ پر حق کے ساتھ نازل فرمائی ہے (یہ) ان (سب کتابوں) کی تصدیق کرنے والی ہے جو اس سے پہلے اتری ہیں اور اسی نے تورات اور انجیل نازل فرمائی ہے	الم	آل عِمْرَان	3 تا 6	2
(اے حبیبِ مکرّم!) یہ کتاب ہے (جو) آپ کی طرف اتاری گئی ہے سو آپ کے سینۂ (انور) میں اس (کی تبلیغ پر کفار کے انکار و تکذیب کے خیال) سے کوئی تنگی نہ ہو (یہ تو اتاری ہی اس لئے گئی ہے) کہ آپ اس کے ذریعے (منکرین کو) ڈر سنا سکیں اور یہ مومنین کے لئے نصیحت ہے	المص	الْأَعْرَاف	7 تا 9	3
کیا یہ بات لوگوں کے لئے تعجب خیز ہے کہ ہم نے انہی میں سے ایک مردِ (کامل) کی طرف وحی بھیجی کہ آپ (بھولے بھٹکے ہوئے) لوگوں کو (عذابِ الٰہی کا) ڈر سنائیں اور ایمان والوں کو خوشخبری سنائیں کہ ان کے لئے ان کے رب کی بارگاہ میں بلند پایہ (یعنی اونچا مرتبہ) ہے، کافر کہنے لگے: بیشک یہ شخص تو کھلا جادوگر ہے	الر	یونس	10	4
(یہ وہ) کتاب ہے جس کی آیتیں مستحکم بنا دی گئی ہیں، پھر حکمت والے باخبر (رب) کی جانب سے وہ مفصل بیان کر دی گئی ہیں	الر	ہود	11	5
یہ روشن کتاب کی آیتیں ہیں یشک ہم نے اس کتاب کو قرآن کی صورت میں بزبانِ عربی اتارا تاکہ تم (اسے براہِ راست) سمجھ سکو	الر	یوسف	12	6
یہ کتابِ الٰہی کی آیتیں ہیں، اور جو کچھ آپ کے رب کی طرف سے آپ کی جانب نازل کیا گیا ہے (وہ) حق ہے لیکن اکثر لوگ ایمان نہیں لاتے	المر	الرعد	13	7
یہ (عظیم) کتاب ہے جسے ہم نے آپ کی طرف اتارا ہے تاکہ آپ لوگوں کو (کفر کی) تاریکیوں سے نکال کر (ایمان کے) نور کی جانب لے آئیں (مزید یہ کہ) ان کے رب کے حکم سے اس کی راہ کی طرف (لائیں) جو غلبہ والا سب خوبیوں والا ہے	الر	ابراہیم	14	8
یہ (برگزیدہ) کتاب اور روشن قرآن کی آیتیں ہیں	الر	الحجر	15 تا 18	9
یہ آپ کے رب کی رحمت کا ذکر ہے (جو اس نے) اپنے (برگزیدہ) بندے زکریا (علیہ السلام) پر (فرمائی تھی	کہیعص	مریم	19	10
(اے محبوبِ مکرّم!) ہم نے آپ پر قرآن (اس لئے) نازل نہیں فرمایا کہ آپ مشقت میں پڑ جائیں	طہ	طہ	20 تا 25	11
یہ (حق کو) واضح کرنے والی کتاب کی آیتیں ہیں	طسم	شعرا	26	12
یہ قرآن اور روشن کتاب کی آیتیں ہیں	طس	النمل	27	13
یہ روشن کتاب کی آیتیں ہیں	طسم	قصص	28	14
کیا لوگ یہ خیال کرتے ہیں کہ (صرف) ان کے (اتنا) کہنے سے کہ ہم ایمان لے آئے ہیں چھوڑ دیئے جائیں گے اور ان کی آزمائش نہ کی جائے گی	الم	العنکبوت	29	15
اہلِ روم (فارس سے) مغلوب ہوگئے	الم	الروم	30	16
یہ حکمت والی کتاب کی آیتیں ہیں	الم	لقمان	31	17
اس کتاب کا اتارا جانا، اس میں کچھ شک نہیں کہ تمام جہانوں کے پروردگار کی طرف سے ہے	الم	السجدہ	32 تا 35	18
حکمت سے معمور قرآن کی قَسم	یس	یس	36 تا 37	19
ذکر والے قرآن کی قسم	ص	ص	38 تا 39	20
اِس کتاب کا اتارا جانا اللہ کی طرف سے ہے جو غالب ہے، خوب جاننے والا ہے	حم	غافر ۔ المومن	40	21
نہایت مہربان بہت رحم فرمانے والے (رب) کی جانب سے اتارا جانا ہے	حم	فصلت	41	22
اسی طرح آپ کی طرف اور اُن (رسولوں) کی طرف جو آپ سے پہلے ہوئے ہیں اللہ وحی بھیجتا رہا ہے جو غالب ہے بڑی حکمت والا ہے	حم ۔ عسق	شوری'	42	23
قسم ہے روشن کتاب کی	حم	الزخرف	43	24
اس روشن کتاب کی قسم	حم	الدخان	44	25
اِس کتاب کا اتارا جانا اللہ کی جانب سے ہے جو بڑی عزّت والا بڑی حکمت والا ہے	حم	الجاثیہ	45	26
اس کتاب کا نازل کیا جانا اللہ کی جانب سے ہے جو غالب حکمت والا ہے	حم	الاحقاف	46 تا 49	27
قسم ہے قرآنِ مجید کی	ق	ق	50 تا 67	28
قلم کی قَسم اور اُس (مضمون) کی قَسم جو (فرشتے) لکھتے ہیں	ن	القلم	68 تا 114	29